15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkhreh ka Congress wow klam chaphang u mooyong hapoh ka dorbar

0 Comments

Shillong: Uwa yahkhmat ka liang pyrchah hapoh ka yung dorbar chna aiñ ka jylla, u Dr. Mukul Sangma da pynsñiaw u yei wym hun neidaw wa booh por tbian hawa pynman yaka dorbar chna aiñ ka jylla ka wow sdang ha ka 6 tarik u bnai wow wan, wei ka wow man ynru sngi.

Da ong u wa ka dorbar man ko du kawi ka thaw wa ki paidbah yooluti ki wa kiwa mihkhmat wa da jied ki u leh ki iyi iyi wei wow klam ya iwa emkaam ka jylla.

U Dr. Mukul da ong u wa ha kani ka dorbar, ka Congress da pynkhreh ko wow yaklam heiyatoh wa u mooyong, ki kaam pynroi, i duna poisa ka jylla wa i roi u drug nalor kiwi kiwi ki phang wa ktah ya ka jylla.

Da ong u wa neiliang ka Party Congress kawa em 19 ngut ki MLA daw yaklam ki hapoh ka yung dorbar hajrong i rai yong ka Supreme Court hawa yatoh wa u mooyong, deiwa pynbaad u wa ka sorkar da yah bakla ko ya ki paidbah.

Kawi de ka yaklam toh hajrong i pynbaad ka BJP kawa man kawi na ki Party kiwa emlang ha ka sorkar MDA wa ka sorkar ym ko u leh iyi iyi leh hawa yatoh wa ki kaam pynroi kawa da ktah ya ki paidbah yong ka jylla.

Nalor kini, ka Party Congress daw paan pynche ko leh naka sorkar MDA hajrong kiwa boon ki pynbaad pyrchah ya kani ka sorkar wa u Montri Rangbah ka jylla wa hap u wow pynche.

Share this:
Previous

Ka Election jied Lamphang ye ko u man haka 10 næ 13 tarik u Naikhynde: Dy. Speaker

Next

Dawa ka HYC wow e bhah 80% ya ki tre chnong ha ki Company wa ki karkhana