Shillong: Ka Hynñiewtrep Youth Council (HYC) ynne ka sngi da dawa ko naka sorkar wa toh u pynkrehkaam noh da ka aiñ neibynta wow e bhah 80% da ki khynroo khyllood tre jylla wow kreh ha ki kaam yong ki bru samen wa kynthup ha ki dukan, ki karkhana næ ha kiwon kiwon ki thaw wa pynlai kaam da ki bru samen wa ki Company.
Yow pynsñiaw ya ini i dawa, neiliang ka Central Executive Committee (CEC) ka HYC ynne ka sngi da yachem ki wa u Symbood Montri Rangbah uwa pait yaka chnat Labour, u Pretone Tynsong wa ka sorkar u chimkhia ko ya kani ka kaam yow lait na i dooh kaam ki khynroo.
Hawa yaklam hadien wa kut ka yachem, u President ka HYC, u Robertjune Kharjahrin da ong u wa ka seiñ da yoh ko boon ki kyrpaad na kiwa ym em kreh kiwa yaleh kreh ha ki Company wa ki karkhana kiwa em ha kani ka jylla, kawa pynman yaka seiñ wow dawa da ki kyndon aiñ wa kyrpang wa ki khynroo tre chnong kamba 80% toh u yoh kaam ki ha ki thaw krehkaam wa ym toh yong ka sorkar.
Da ong u leh wa kam ha kiwi ki jylla, kam ha Andhra Pradesh wa Gujarat da wanrah ki ya ki aiñ wa kyrpang wow pynpsiah kaam ya ki khynroo tre chnong ha ki Company.
U Robert da pyntip u leh wa neiliang u Prestone da kular u wa daw phah pait bniah ya kani ka dawa cha ka chnat Labour wa Political ka sorkar jylla wow puræ bniah wei wow pyntip cha ka sorkar jylla wow booddien ya ini i dawa.
Discussion about this post