New Delhi: Ka montri ka sorkar pyrdi wa pait ya ka chnat Finance, ka Nirmala Sitharaman ynne da pyntip ko wa ka sorkar da rai ko wow khang pyrchah noh ya ki e-Cigarette hapoh ka ri neidaw wa ktah i yei chait i khiah.
Ka Nirmala da ong ko wa ini i khang mut i wow khang u pynmih, u chna, wow thied næ dai, u kit wow rah, u saam, u dai, wow booh namo wot wow pynbna paidbah (Advertise) ya iwon iwon wa yatoh wa ki e-Cigarette.
Da pyntip ko leh wa ka dhab ki montri ka sorkar pyrdi (Union Cabinet) leh da mynjur ko yeini wow khang pyrchah ya ki e-Cigarette.
Da antaad wa em palat 400 jait (Brand) ki e-Cigarette wei na kini ym em uwi wot leh wa da chna ha India, da ong ko deiwa pynrap wa ki e-Cigarette wan ki ha ki jait bang (Flavour) wa 150 tylli.
Katkam ka yukheiñ ka sorkar pyrdi da ong wa kamwa 900,000 ngut ki bru yap ki chi snem nei kjut wa yatoh wa i pynemkaam duma (Tobacco-Related Illnesses).
Ki bru chemphang ka chnat i chait i khiah da tyrwa ki wow kset hadooh 3 snem wei wow daiñ kuna hadooh T. 5,00,000 ya kiwa leh pyrchah namo tyngkheiñ ya ki kyndon wa ki hukum wa pynmih thymme ka sorkar.
Discussion about this post