Jowai: Ka Dorbar Chnong Mutong, East Jaiñtia Hills ynne ka sngi da pynbna paidbah ko ya ki ar tylli ki thaw wow man kam ki Fish Sanctuary wa kynthup ya ka Kailangsong wa em ha i bynta ka wah Myntdu wa ka wah Umjhai kiwa haap hapoh u pood ka chnong.
Ka chnong da ong ko kam chibynta wow yada ya ki dohum ha kini ki um da booh ko leh ki kyndon heiwa ha ka Kailangdong Fish Sanctuary u sdang ko nadooh Chka Phansyiar hadooh Pynkai Chka Hali u Salong Phawa, katwa ka wah Umjai won nadooh Kchaaid Thadlaliang hadooh Kailangdong.
Ha kini ki ar wah da khang pyrchah ya kiwon kiwon u khwe, tong jaar, tong sasi, dat bom næ kiwon kiwon ki rukom tynyap ya ki dohum.
Ka chnong da ong ko wa lada chem ko ya kiwa leh pyrchah daw pynchitom ya ki katkam ki kyndon ka chnong wei daw ekti ya ki cha ki bor ka aiñ.
Ynne ka sngi hawa pynbna ya kini ki Fish Sanctuary da pynman ya ka Final Football yong ka lympung wa da pynkhreh da ka Mutong Youth Wing heiwa ka Rangad SC da jop ko ya ka Lumshyrmit SC da 1-0.
Ha kani ka sngi u Balios Swer uwa man uwi na ki bru wa pawkhmat ka thaaiñ da man u kam u kongsan.
Discussion about this post