Jowai: Ka pynsñiawthooh paidbah namo ka Awareness Programme wa pynman da ka Biodiversity Management Committee chirup wa ka Synjuk Waheh Chnong Ri Jaiñtia Saipung Sirdarship neibynta wow sdang ya ki Open Biodiversity Management Committee (OBMC) hapoh ka Saipung Block da pynman yaka ha kani ka 8 tarik.
Ya kani ka pynsñiawthooh paidbah da pynman ha Saipung Community Hall heiwa ka N. Laloo, DFO-Social Forestry Jaiñtia Hills da man ko kam ka bru chemphang.
Ka thong wa pynman ya kani ka pynsñiawthooh paidbah toh wow pynche hajrong i emkaam wow yada ya ka rymaw, ki dieñ ki siej, ki mrad wa kiwi kiwi kiwa em ha ka rymaw hapoh ka thaaiñ Saipung.
Ha kani ka sngi da lai pait leh ya i thaw wa thmu wow chna ya ka Children’s Park ha BPC Synod School.
Ha kani ka pynsñiawthooh da mih leh i sur wow sdang ya ki Open Biodiversity Management Committee (OBMC) ha waroh ki chnong wa em hapoh Saipung Block.
Ya kani ka yalang pynsñiawthooh da pynlai da u MJ Kharbudon, Range Forest Officer, Khliehriat.
Discussion about this post