Jowai: I thaw wa i rukum chna yaka nyngkong dooh ka North East Convention Centre (NECC) ha Delhi da chim yaka rai khaddooh wei ym slem de u sdang chna ya ka hadien wa pyndep ya iwa emkaam ha kini ki tayaw wow wan.
Hawa lai pait ya kani ka thaw wow chna yaka NECC ka wow em ha Sector 13, Dwarka, New Delhi, u Union Minister for Development of North East Region (DoNER), u Dr. Jitendra Singh da ong u wa ini toh wow boodien ya iwa da dep pynbna u ini wa da dep hadien wa yoh yaka sorkar kawa thymme u Modi wa ka North East Council (NEC) kawa krehlang waka Ministry of DoNER daw chna ki ya kani ka thaw kawa man katkam ka juk wa katni, ka wow man kyrpang yaka thaaiñ North East ha nongbah ka ri ka wow krehkaam 24x7x365 kam ka Convention & Cultural Centre ka wow pynyoo rong yaka North East, wei ha i jooh i por cha ka pyrthai waroh kawi.
I thaw wow chna ya kani ka NECC toh iwa heh 1.32 Acre (5359 Square Meter) kawa em hajan ka ISKCON Temple ha iwi i liang waka Hotel Radisson Blu ha iwi i liang wei daw em leh ka Auditorium wa em 1,000 tylli ki thaw chong wei kani ka yung u chna yaka boon mala.
Daw em leh ka Seminar room, Banquet Hall, Library, Museum, Handloom Display Area, Exhibition Space & Food Court nalor ki thaw sah wa i thaw booh kari.
Discussion about this post