Jowai: Kawi ka khynnah kynthai Khasi kawa dang 15 snem kawa puræ Class 10 haka chnong Palocherra kawa em ha Hailakandi District, Assam kawa man chibynta ka Barak Valley, haka 10 tarik uni u bnai da chah rah bor ko ha kiwa suba ki Muslim na Bangladesh naka chnong Nagracherra kawa em ha kani ka jooh ka District heipor wa lai sah chuti ko waka payu waheh ko.
Ka seiñ Barak Valley Khasi Jaiñtia Welfare Organization (BVKJWO) waka KSU da lai ujor ki cha u OC ka Lala PS yow dawa lai pylliat ya kani ka khynnah kawa chah rah bor hapoh 24 kynta.
Haka 14 tarik uni u bnai da yoh wow pyllait ya kani ka khynnah wei da e kti ya ka cha ki bei ki pa yong ka.
Neiliang ka KSU da e khublei ko ya u SP ka Hailakandi kamjooh ya ki pulit waroh kiwa da yaleh chitom wow pyllait ya kani ka khynnah kamjooh yaka BVKJWO hapoh i yahkhmat u Wanbor Pdang, u Sanjoy Phonglo u General Secretary ka Barak Valley Tribal Rights Protection Front wa ya waroh kiwa yahkhmat ka jiatbru ri-loom kiwa da yarap ha ini i kaam wei daw pteiñ leh hadooh wow pynchitom ya kiwa emkti wow rah bor katkam ka aiñ.
Discussion about this post