Jowai : Ka seiñ Meghalaya People United Front (MPUF) hapoh i yahkhmat u President ka seiñ u ma Dawanpoimi Laloo ynne i sngi dalai yachem ki wa u DC ka West Jaiñtia Hills heiwa da e ki yaka dorkhat ha oo.
Ha kani ka dorkhat ka seiñ da kyrpaad ko na u DC wow chimkhia yei rukom pynemkaam bakla u MLA ka 2- Jowai Constituency u Dr. RC Laloo heiyatoh waka scheme SRWP kawa haap hapoh ka Thadlaskeiñ Block.
Haka Dorkhat ka seiñ da ong ko wa katkam ka RTI wada paan ko haka 29 Naikhynde 2015, wei da yoh ko yaka jubab heiwa da mih ki pyrtuid ki bru kiwa toh u yoh myntoi nakani ka scheme kamwa T. 10,000 samen neibynta u snem 2012-13 tangwa ha u snem 2013-14 wa u 2014-15 ympu em u pyllait u tang kawi wot leh.
Weiwa ymem u yoh myntoi ki bru kiwa boon wada mih pyrtuid kam kiwa toh u yoh myntoi.
Ka seiñ hadien wa yachem ko wa u BDO ka Thadlaskeiñ Block da phah wan u ya kini ki bru wa mih pyrtuid yow lai chim ki yaka poisa na oo tangwa haka 16 Naisan 2016 ka seiñ chirup wa kiwa mih pyrtuid da lai yachem ki wa u BDO ka Thadlaskeiñ Block uwa da pyntip wa ya kani ka poisa da saam u MLA chaki dong wa ki seiñ wa em hapoh ka Urban Area næ kiwa em hapoh u pood u and ka chnong Jowa, heithaw u e cha kiwa palat chnong kiwa da mang katkam kani ka scheme.
Neiliang ka seiñ da kyntu ko ya u DC wow chimkhia yeini i leh u MLA iwa man leh pyrchah yei rukom krehkaam kani ka scheme SRWP. Heijooh i por ka seiñ da ong ko wym kli kti ko wei u lai ki chaphrang wat chadooh cha yungkasari heiyatoh weini.
Discussion about this post