Jowai: Haka Group A ka Meghalaya State 2019 kawa pynman ha Kiang Nangbah Stadium Jowai, da pynman artylli ki yalehke ynne ka sngi.
Haka yalehke wa nyngkong, ka Shillong Lajong kawa yoh u thap 8 kool ha pyn artylli ki yalehke yong ka, ynne ka sngi ka Lumniwar SC (Ri-Bhoi) ym em e laad ko yaka Lajong wow thap chi kool leh wei ka yalehke da kut ko da 0-0.
Ha kani ka yalehke, yei naam Man of The Match da yoh u Maxdoridoff Wahlang yong ka Lajong
Haka yalehke wa ar da pynman hapyrdi ka Lawbah SC (Mawsynram) waka Umbaker (Tyrsad).
Ka Lawbah haka kylla step da thap ko le tylli ki kool lyngba u Roikhihbha Nongtdu haka minit wa 17 wa 35 wa u Preciousland Kharbih haka minit wa 44.
Ka Umbaker haka kylla miet da ye ko wow su ar kool haka minit wa 73 lyngba u Banshan Nongdhar wa u Pynkupbor Kharbteng haka minit wa 82 wei kini ki kool da neh ki hadooh wa kut ka yalehke yow e yei jop yaka Lawbah da 3-2
Yei naam Man Of The Match da yoh u Roikhihbha Nongtdu uwa yalehke ka Lawbah Sports Club.
Haka Group B kawa pynman ha Teilang Phawa Mini Stadium, Dkhiah, Khliehriat, ka yalehke hapyrdi ka Umladkhur (Amlarem) waka Sutnga SSCC (EJH) da jop ka Sutnga da 1-0 da ka kool wa thap u Delegent Pdang.
Ka Mynthong SC won da jop ko yaka Iatyllilang Lumsehkot SC (Laskein) da 4-0 da ki kool wa thap u Dieye Hamidou uwa yoh Hat-trick haka minit wa 55, 56 wa 76 wa ka chi kool na u Kyrkhudametre Ryngkhlem haka minit wa 89.
Ya i naam Man of the match da yoh u Dieye Hamidou (Mynthong).
Mynstep ka yalehke u man ko du ha Jowai donhi: Group A (Jowai) – Umrit vs Royal FC (1:00PM)
Man of the Match: Maxdoridoff Wahlang (Shillong Lajong) 
Man of the Match: Roikhihbha Nongtdu (Lawbah SClub) 
Man of the match: Pynshongdormi Chadap (Sutnga) 
Man of the match: Dieye Hamidou (Mynthong)
Discussion about this post