Psiah Final ka Wahiajer SC ha ka 2nd Sñiawbhalang Football Tournament

Jowai: Ka lympung yalehke Football wa tip kam ka 2^nd Sñiawbhalang Football Tournament ha Wahiajer, ka Wahiajer Sport Club da psiah Final ko hadien wa pynrem ko ya ka Tyrshang da 3-0.

Ya ki kool ka Wahiajer SC da thap da u Wadajied Ryngkhlem haka minit wa 17, u Heimonmi Dkhar ha ka 48 minit wa u Oliver Pale minit wa 60 wei da ini i jop ka Wahiajer da yoh ko u yakhun Final pyrchah ya ka Umladang.

Ya kani ka Final u pynman ha ka 10-12-19 heipor 1:00 i sngi, ka yakhun Third Place u man ko haka 04-12-19 heipor 12:00 i sngi hapyrdi ka Tyrshang pyrchah yaka Nongsutnga, heipor 02:00 waje i sngi won ka 1-Nartiang Constituency 40 snem chaneiñ pyrchah ya ka 2-Jowai Constituency 40 snem chaneiñ.

Kam wow pynkynmoo heini ka dhab wa jop Final u yoh ko T. 3 lak, kawa rem won T. 1 lak chirup wa ki trophy, kawa yoh yei naam wa 3 u yoh ko T. 60,000 katwa heiwa 4 won T. 40,000.