15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da sdang ka Intensified Mission Indradhanush Programme 2019

1 Comment

Shillong: Ka Intensified Mission Indradhanush Programme 2.0 waka Matru Vandana Saptah kawa chi tayaw hapoh yong ka Pradhan Mantri Matru Vandana Yojana (PMMVY) da sdang ya ka ynne ka sngi hapoh jylla. 

Ya ka yalang sdang da pynman ha Ganesh Das Government MCH Hospital, Lawmali, Shillong heiwa ka Theilin Phanbuh, Chairperson, Meghalaya State Commission for Women wa ka Meena Kharkongor, Chairperson, State Commission for Protection of Child Rights da man ki kam ka kongsan wa symbood kongsan.

Ka thong yong kini ki ar tylli ki programme toh wow pyntikna yei ye u pynpoi wei wow e dawai ya waroh ki khynnah wa ki kynthai wa pun-khon. 

Ka Intensified Mission Indradhanush (IMI) 2.0, toh kawa booddien ya ka Mission Indradhanush, wei da sdang ko ynne ka 2 tarik hadooh ka 12 tarik uni u bnai heiwa da booh wow e dawai ya ki khynnah kiwa hapoh 2 snem wa kiwa pun-khon kiwa ympu em u yoh dawai.

Ka Pradhan Mantri Matru Vandana Yojana (PMMVY) toh ka program ka sorkar pyrdi neibynta kiwa pun-khon wa kiwa dang yohkhon. I e yarap toh ya ki kynthai wa e yimbu khon kiwa palat 19 snem neibynta i khon nyngkong heiwa u e yarap poisa T. 5000 ya kawa daw su ha ki le bynta, iwa mut T. 1000 heipor Registration, T. 2000 ha ka Check-up wa nyngkong wa T. 2000 haka e dawai wa nyngkong wei hawa pyndep yaka Birth Registration ya i khonboo wa dang kha wa kamwa T. 700 hawa kha ha ki thaw sumaar sorkar. 

Neiliang ka Phanbuh da ong ko wa ki paidbah naka thaaiñ nongkyndong rap artatien ki wow chim yaka myntoi wa yoh na ki Scheme sorkar neidaw wa em i sñiawthooh bakla wa i tieñ, kamtæ da khut ko ya kiwa pynkrehkaam ya kini ki Scheme wow kreh chitom ki wow pynsñiawthooh paidbah.

Ka Kharkongor da ong ko wa i hok wow im man i i hok wa kyrpang wa da e ya ki khynnah wei wow im da i chait i khiah.

Share this:
Previous

Daw pynman ka FAM yaka Winter Football Coaching Camp wa kyrpang ya ki khynnah

Next

MSL: Ksoh ka Lumniwar yaka Lajong, jop ka Lawbah, Mynthong, waka Sutnga ha Jowai wa Khliehriat