Kyntu u Kyrmen ya kiwa duna hei doh i pran wow paan pynche na ka Directorate hajrong ki mat dawa

Shillong: U Montri ka chnat Social Welfare ka jylla, u Kyrmen Shylla da kyntu u ya ki bru wa duna hei doh i pran wow paan pynche chooh chooh na ka Directorate wa na ka MPSC hajrong i dawa bhah thung kreh wa 4 percent.

Da ong u wa da phah u ya ki yutip hajrong ka bhah thung kreh wa da dawa ka dhab hajrong ka bhah thung kreh ya kiwa duna i doh i pran, tangwa ymtip u lada ka chnat da e ko ya ki yutip da ka chnat deiwa yntu ya ki wow thooh pynche na ka Directorate.

Hajrong i rai wow pynman yakhih deiwa chong kyllaiñ myngngor da ki seiñ ki bru wa duna hei doh i pran, u Kyrmen da ong u wa ymye u khang yeini i thmu yakhih yong ki tangwa da pyrchang wow pynbiang yei dawa yong ki katkam ki luti ka aiñ.

Chooh chooh da ong u wa ini waroh ye i wow mih nei sñiawthooh bakla donhi hajrong i pynche na ka sorkar wei lada em i wym che ye wow paan ya ki yutip wa bniah na ka yungkrehkaam u Director ka chnat wa na MPSC.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Hajrong won i dawa wa ki Company leh u e bhah ki i jooh ya kiwa duna i doh i pran, neiliang u Kyrmen da ong u wa ka sorkar da kyntu wei phah ko ya waroh ki yungkrehkaam ki Company wa ki bru samen wow thung kreh 4 percent da kiwa em i duna ha i doh i pran kamwa da booh da ka sorkar.

Kam wow pynkynmoo heini ka Federation of Person With Disabilities, kawa man ka seiñ ki bru wa duna hei doh i pran wa kynthup ya ka Meghalaya Deaf Association (MDA), Khasi Disabilities Association (KDA), All Meghalaya Association of Person with Disabilities (AMAPD), ka Meghalaya Liberation of Visually Impaired (MLVI) wa ka Garo Hills Association of the Deaf (GHAD) mynstep ka sngi daw pynman ki yei yakhih chong kyllaiñ myngngor kam ka dak wow pyrchah ya ka sorkar hajrong i wym pynkrehkaam ya ka 4 percent cha ki bru wa duna i doh i pran.

Ki dkhot kani ka seiñ da yachem ki leh ya u montri wa pait ya ka chnat Social Welfare, u Kyrmen Shylla uwa da kular wow chimkhia ya kani ka kaam, tangwa ym em u man kaam i hadooh ynne ka sngi.

Also Read: Daw pynman yakhih ka Federation of Persons with Disabilities yow dawa yei hok yoh kreh sorkar