Jowai: Ka St. Joseph’s Secondary School Nongtalang, haka 7 tarik uni u bnai da wai pyrda ko yaka 1st St. Joseph’s Football Tournament 2019.
I thmu kani ka Tournament toh chibynta wow pynmih poisa yow pyndap yeiwa emkaam ka skur khnang yow ye u pyndap pynbiang ya iwa duna ka skur.
Ha i wai pyrda yaka Tournament da emlang u BDO ka thaaiñ u Damuthimi Lyngdoh uwa man kam u kongsan, u Headmaster ka skur u Anthony Pohrmen, u Engineer u Hat Bareh, kiwa sikai ka skur deilang wa kiwi kiwi ki bru wa pawkhmat wa kitkaam ka skur.
U BDO u Damuthimi Lyngdoh hawa e yei klam yong oo, da pynsñiaw yei kmen wa da yoh u wow wai pyrda ya kani ka Tournament. Da ong u leh wa lyngba kani ka Tournament ki khynroo yalehke daw ye ki wow ku chakhmat. Kamjooh da ong u wa haka yalehke em kiwa jop wei em kiwa rem tangwa ym toh u randien kamwa ong ha i ktien phareng “Failure is a Pillar to Success”. Chooh chooh da pynsñiaw wei kyrmen skem u wa kani ka Tournament daw ye ko u wow luti chakhmat.
Ya kani ka Tournament wa pynman ha madan Shingtoi Playground da em 16 tylli ki Team wa wan chimbynta.
Discussion about this post