Beiñ ka JSU wa chet kylla ka Agatha wa u Conrad u wym burom yei khut khang chnong

Jowai: Ka JSU da pynrem joor ko yei chet kylla ka Agatha Sangma , MP ka Tura deiwa kyrchaan ko ya ka CAB ha Lok Sabha wa i lai chimbynta u montri rangbah u Conrad K Sangma kam u kongsan ha ka lympung yalehbol wa pynman ha Wahiajer ynne ka sngi.

Ka seiñ da ong ko wa hadien i chet kylla ka diah yong oo ka Agatha ya ki nong Meghalaya waka North East ha Lok Sabha ynnin ka sngi deiwa kyrchaan wow pynman aiñ noh yaka CAB, ynne won u payu ko da pynyoo u yei wym burom ya i khut khang chnong da ka NESO kam ka dak pyrchah ya ka CAB.

Da kdaw wa katwa ki khon ka bri u Ynñiawtrep wa ki paaid yong ka Meghalaya wa ka North East waroh kawi ki dang pyllai yumut ki wow pyrchah doh wa mynsien ya ka CAB deiwa chong yung yow pynyoo yei dak yong i yatylli. Tangwa u CM deilang wa ki paralok mihkhmat ki yong oo da lai embynta ki haka tamasa yalehbol ha Wahiajer.

Kamtæ ka seiñ da sñiaw ko wa i leh yong ka sorkar NPP che kdar toh i leh arsap wa kor ka Party bar yaka jaitbru. Wei da dawa leh ya ki seiñ ri-loom wa toh u pyndam noh yei kyrchaan ya kani ka sorkar ka wym bna wow ap yei sñiaw ki paidbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024