Jowai: Ka seiñ All Jaiñtia Cement Transporter Association (AJCTA) da thoh ko cha u Commissioner ka Transport Department ka sorkar jylla yow pyntip cha oo wa yaka hukum ka chnat sorkar wa pynmih haka 10-10-18 yow pynthymme yei dor i bai kit mar hapoh ka jylla kam ya ki mar baam da T. 0.070 chi Quintal chi Kilometer wa kiwi ki mar wym toh ki mar baam chaka T. 1.75 chi Quintal chi Kilometer ym em pynkrehkaam ya ki da ki karkhana pynmih khyndaw-bilat wa em hapoh ka Elaka Narpuh, East Jaiñtia Hills, Meghalaya.
Ka AJCTA da ong ko wa hadooh katni kini ki karkhana da su ki du T. 0.35 Paise chi Quintal chi Kilometer iwa man duna yei dor wa da booh daka Transport Department.
Da pyntip wa ka seiñ naki por cha ki por da yachem ko wa kiwa boon ki heh kini ki karkhana yow pynku yaka bai kit nadooh i bai kit Cement, Clinker wa kiwi ki mar katkam ki kyndon wada booh daka sorkar tangwa hadooh katni ym pu em pynyoo ki yaki dak ki chin wow leh ya ini. Wei ini i dor wa khian wa su ya kiwa kitmar da ktah joor ko hei wow su yaka ram wei da duna bha leh ka nong hadooh wa daw ye u poi i por wow yap khih.
Ka seiñ da ong ko leh wa boon bha yoh nong kini ki karkhana neini i su duna ki wei kam kiwa kitmar leh ki yarap pynyoh poisa ki yaka sorkar deiwa su ha kiwa boon ki Weighbridge ka sorkar. Kamtæ da kyntu yaka chnat sorkar wow chimkhia ya kani ka kaam.
Ka seiñ da e nongmuna ko wa heipor wa chongdor i khyndaw-bilat T. 220 chi churia ka bai kit man ko T, 1500 chi Ton katwa katni manda ku dor i khyndaw-bilat cha ka T. 400 chi churia, ka bai kit won da poi ko T. 700 chi Ton.
Discussion about this post