Kwah ka APW wow pynkrehkaam du ka wi ka ILP ha NE

Shillong: Ka Assam Public Works (APW) da kyntu ko ya u montri rangbah ka Meghalaya, u Conrad K Sangma wow yaklam wa ka sorkar India neibynta wow pynkrehkaam du ya ka wi ka Inner Line Permit ha waroh kawi ka thaaiñ mihsngi ka ri India.

Kani ka seiñ hapoh i yahkhmat u President, u Aabhijeet Sharma da lai e dorkhat ki cha u Conrad hajrong kani.

Hawa yaklam wa ki laad pathai khubor u montri rangbah ka jylla da pyntip u wa ka APW da pynsñiaw ko wa kwah ko du ka wi ka ILP ha waroh kawi ka thaaiñ kawa yatoh leh wa i ya thied thaw.

Da pynsñiaw u yei sñiawyahap ya ini i e yumut ka APW neibhah man ko i jooh i sñiaw yong ki paidbah ka thaaiñ North East wow yoh yada, khamtam hadien wa da wanrah ya ka Citizenship Amendment Act, 2019.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad da ong u leh wa ini i dawa i yong ki man i iwa chnongnia wei da pynsñiaw u leh wa daw yaklam u ya ini wa ka sorkar pyrdi wei daw pait u yaka jubab kawa ka sorkar pyrdi daw ong ko.

Neiliang yong u President ka APW u Aabhijeet Sharma da ong u wa i wan yong ki toh wa da yoo ki wa hadien kani ka Christmas u montri kaam poh yung ka sorkar pyrdi, u Amit Shah daw yachem u wa u montri rangbah ka Meghalaya.

Da ong u wa ka seiñ ka chim ko ya kani ka laad wow yachem wa u montri rangbah ka jylla Meghalaya neibhah ha North East, ka sorkar pyrdi ka ap wei sñiaw ko ya iyi wa ong u montri rangbah ka jylla Meghalaya hawa klam u cha ka sorkar pyrdi. Wei toh hajrong kani ka yurim wa da wan ki wow yachem yow e dorkhat wow dawa na ka sorkar pyrdi wow e du ka wi ka ILP ya ka North East waroh kawi.

U Aabhijeet Sharma, President ka APWs, da ong u du sa kani ka laad kawa khaddooh wow yada ya ka North East, lada ka yaleh man ko jar jiar daw man ko kawa eh.