Yachem u Sanbor wa u Ernest ya ki montri sorkar pyrdi yow paan yarap pynku yaka jylla

Shillong: U MLA ka BJP uwa man leh u Chairman ka Meghalaya Tourism Development Corporation (MTDC), u Sanbor Shullai da kit u chi khoh ki emkaam ka jylla, khamtam hawa yatoh wa ka kaam uiñke suwari wow pynsñiaw ha ki montri sorkar pyrdi.

U Sanbor wa u President ka BJP Meghalaya u Ernest Mawrie wa ka kynhun, da yachem ki ya u montri Tribal Affair u Arjun Munda ha thaw sah yong oo ha 25 Tughlak Road New Delhi ha ka 21 tarik uni u bnai yow kyrpaad ya u montri wow mang poisa ya ki kaam wa yatoh wa i uiñke suwari ha ka jylla wa kynthup yow pynbha ya ka Orchid Hotel, Polo neibynta wow ku ka yoh ka kot ha ka jylla wow wai laad ya ki khynroo khyllood wa thooh kaam.

Ha ini i yachem, u Sanbor da paan yarap u leh wow pynbha ya ka Seng Khasi Mawkhar wa ya ka Raid Laban Cultural Centre wow kyntu ya ka riti dustur u Khasi.

Neiliang u President ka BJP won da kyntu u ya u montri wow yarap ya ki MDC ka BJP ha JHADC ha Meghalaya wow yoh ya ki Scheme pynroi na ka sorkar pyrdi neibynta ki paidbah. Wei ya kani ka kaam da pynsñiaw leh ha u Ram Madhav.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ha kani ka yachem, u montri ka Tribal Affairs da pyntikna wow chna ki laad ki luti wow yarap ya ki phang wa da pynsñiaw da u Sanbor wa u President ka BJP.

Neiliang kani ka kynhun ka BJP Meghalaya da yaklam leh ya kiwi ki kaam wa yatoh wa ka roi ka paar ha ka jylla.