Hadien wa rai dawa ILP, da yachem boonsien ka sorkar MDA ya u Shah ha Delhi: Bindo

Shillong: Hanla u Montri Rangbah ka Meghalya, u Conrad K Sangma dang ha kani ka tayaw da ong u ym pu yoh wow yachem ya u Montri kaam pohyung ka ri India, u Amit Shah nadooh wa da chimrai ka dorbar wow pynkrehkaam ya ka ILP ha ka jylla. Tangwa uwa yahkhmat ka UDP, u Bindo M Lanong da ong u wa ka sorkar Meghalaya Democratic Alliance (MDA) da yachem ko ya u Home Minister, u Amit Shah wot ya u Prime Minister, u Narendra Modi boonsien ha Delhi hadien ka 19 Kmaichonglad ha u snem wa da dep.

Ya ini, uwa yahkhmat ka UDP da ong u hawa kylli ya i thmu yong ka UDP wow pynbor ya ka sorkar India wow pdiang ya i dawa ya ka ILP ha Meghalaya.

Kam wow pynkynmoo wa dang ha kini ki sngi wa da dep, u Conrad da ong u leh wa ye u yoh wow yaklam wa u Amit Shah wow pynbait sngi kawa ye wow man hadien ka lehkmen yaka Republic Day, tangwa ynne ka sngi uwa yahkhmat ka UDP da kam u wa da yoh yutip u wa ka kynhun wa yahkhmat da u Montri Rangbah ka Meghalaya da yachem boonsien ya ki Montri ka sorkar pyrdi.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

U Lanong da ong u wa ka kynhun wa yahkhmat da u Montri Rangbah, u Conrad K Sangma da lai ki boonsien cha Delhi hadien ka rai yong ka dorbar kyrpang wei ini toh ka Party da yoh yutip tangwa lada yaklam næ ym em ya ka ILP hap wow kylli na kiwa lai.

Hawa kylli chooh chooh, da ban biang u wa da yachem wa kiwa boon ki Montri ka sorkar India wot ya u Montri Rangbahdooh, ym tip hachwa næ hadien ka Khristmas tangwa da yachem ki da boonsien wei ka sorkar India leh ka da tip bha ko ya ka phang wa lai ki wei ya ka rai yong ka dorbar MLA yong ka ka jylla.