Ujor ka SBYWA cha u CFO ka JHADC wymtoh u e NOC yaka Coke Plant ha Wah Dieñling

Ka seiñ Southern Border Youth Welfare Association (SBYWA), ynne ka sngi da ujor ko ha u Chief Forest Officer (CFO) ka JHADC, Jowai pyrchah yei yohlaad wow booh yaka Unique Industry Coke Plant ha Wah Dieñling kawa dang em hapoh u pood u ang ki soo chnong wa kynthup yaka Umsatai, Lad-Wah Wapung, Deiñsatlang waka Pynurkba.

Haka ujor ka seiñ da ong ko leh wa kini ki soo chnong da pyrchah ki ya kani ka Coke Plant neidaw wa e sop sop yaka NOC. Kamtæ ini i pyrchah wa wan na ki paidbah hajrong ka yurim wa ktah yaka imlang sahlang, ki skur, yaka rep ka riang wei daw pyntngit pynjakhlia leh yaka la-ær kawa daw ktah yaka chait ka khiah kiwa chong chnonog hi waroh kawi.

Kamtæ hajrong kini ki yurim, ka SBYWA da pyrchah ko yei e NOC yaka Unique Industry Coke Plant wei neiliang ka JHADC leh ym toh wow e NOC ko wow chna ya kani ka Coke Plant.

Also Read: Dawa pynsangeh ki le chnong yaka NOC wa e u Dolloi ka Sutnga wow booh Coke Factory