Ka yakob yasait suloi kawa tip leh kam ka Shooting kawa man kam kawi na ki yakob hapoh ka Olympic heiwa kiwa yalehke ka India da lehbha ki. Deiwa pyrkhat ya ini, ka Ministry of Home Affairs, da pynmih hukom ko hapoh ka Arms Act 1959, yow booh ki kyndon yow pynbiang ya ki tiar siat kamjooh ki kuli ya kiwa yalehke hawa pynbniah ki yei sap yong ki.
Ya kani ka hukum (Notification) wa pynmih haka 12 tarik uni u bnai da pynkylla ya ki kyndon ka aiñ Arms Act, 1959 waka Arms Rules, 2016 yow pynboon ya ki tiar siat wa ye kiwa chimbynta ha ki yakob wow booh ki deilang wa ki kuli haka chi snem.
Katkam ki kyndon wa thymme kiwa yasiat kiwa da yoh takma ha ki yakob waphær hapoh ka ri wa cha baar ri daw ye ki wow em hadooh 12 tylli ki tiar siat iwa nachwa da chah u 7 tylli donhi. Lada uwa yasiat wa pynman ha kawi ka kyrdan yakob, kattu ye u wow booh 8 tylli ki tiar yasiat (nachwa soo tylli), lada pawnaam ha ki ar jait ye u wow booh 10 tylli (nachwa 7 tylli) wei lada pawnaam won palat ar tylli won ye u wow booh 12 tylli (nachwa 7 tylli).
Haka kyrdan Junior Target Shooter wa kiwa dang sdang kattu da chah wow em ki ar tylli ki tiar yasiat (nachwa ka wi). Nalor ini, ye ki wow yoh leh sa ar tylli ki tiar yasait kamwa chah ya kiwi kiwa chnong chnong ka ri hapoh ka Arms Act, 1959.
Heiyatoh won wa ki kuli, ya ki .22 LR Rifle /Pistol daw chah wow em 5000 tylli heithaw 1000 tylli, katwa ya ki Pistol/Revolver 2000 tylli ki kuli heithaw 600 tylli katwa ya ki suloi Shotgun da chah 5000 tylli ki kuli heithaw 500 tylli wa ye u thied da kiwa yasiat ha ki yakob.
Discussion about this post