Ym maap ya kiwa emkti wow thang ya ka lama India, ong u Conrad

Shillong: U Montri Rangbah ka Meghalaya, u Conrad K Sangma da ong uwa i leh yong ki kattu katni ki damok wow thang ya ka lama yong ka ri India man ko kawa ym ye u pdiang, wei ka aiñ ym pyllait ko da iwa suk ya ki bru wa emkti.

U Conrad da pyntip u wa da yoh yutip u na u DGP wa na u montri kaam pohyung ka jylla wa em i thang ya ka lama yong ka ri India da ki bru wym tipmit, heiwa yaka Video leh da thap ha kawi ka Facebook Page.

Da ong u wa ka aiñ daw kem ko lyngba i stad Technology wa katni wei daw chem ya kiwa emkti. Da ong u wa neiliang ka sorkar iwa toh u leh ko daw leh ko wow pyntikna wa ki damok kiwa khlem burom de yaka lama yong ka ri ym lait ki na ka aiñ.

Da pyntip u leh wa neiliang ki pulit da dep ki wow ujor da ka Suo Moto Case pyrchah ya ini i leh ki runar wei ka takit hajrong ini dang lai ko chakhmat.