15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka ILP daw ktah ko yaka kaam uiñke suwari ha ka jylla, ong u Lat

0 Comments
Advertisement ad1
Advertisement ad1

Shillong: U Lat ka jylla u Tathagata Roy ynne ka sngi da ong u wa i dawa wow pynkrehkaam ya ka Inner Line Permit (ILP), daw ktah joor ko yaka kaam uiñke suwari ha kani ka jylla. Wei kamjooh da ong u wa ka aiñ (Ordinance) wa psooh ha ka Meghalaya Resident Safety and Security Act (MRSSA) 2016, da ya tyngkhooh ko wa ki aiñ ka sorkar pyrdi wei na kani ka daw, dang puræ bniah wei ym pu e ya ka mynjur wa da phah ka sorkar.

Hawa klam cha ki laad pathai khubor ynne ka sngi, u Lat da ong u wa da chah pynbor wow klam kiyi kiyi wei em ki bynta ki wym yatoh dur neibynta ka roi ka paar ka kaam uiñke ha ka jylla.

Advertisement ad1
Advertisement ad1

Da kam u wa da yoh sñiaw ya ini hadien wa da yaklam u wa ki katu katni ngut ki bru ha katai ka thaaiñ, kiwa da pynsñiaw wa da chah ktah bha na ka yakhih ILP.

Hawa kylli lada klam u kawa yatoh wa ka yakhih pyrchah ya ka CAA lane ka yakhih dawa ya ka Inner Line Permit (ILP), u Lat da ong u wa ka CAA ym em ko iyi iyi wa ka kaam uiñke suwari tangwa lada wanrah ya i pyn-eh, daw wanrah ko yei eh wei ym ye u mutdur iyi wow jia.

“Chong ko ha ka sorkar wow rai wei nga pynsñiaw O yei sñiaw yong nga wa nga da maad ha kine ki bnai wa da dep”, da ong u.

Hajrong i wym mynjur ya ka Ordinance ka MRSSA, u Lat da ong u wa ym man ko kawa toh wow ong wym e yaka mynjur ya ka Ordinance ka Meghalaya Resident Safety and Security Act 2016 (Ordinance), wa da mynjur daka ka kynhun myntri.

Da ong u wa da kdaw ya ki kattu katni ki eh hawa yatoh wa i pynkrehkaam ya ka MRSSA neibhah wa em ki ya i tyngkhooh wa ki aiñ ka sorkar pyrdi wei ini booh ko yei eh hawa pynkrehkaam yaka.

Da kylli u leh iyi mut wow em ka aiñ khlem ki kyndon. “Ya ka aiñ ym ye wow pynkrehkaam khlem ki kyndon”, da ong u.

Da ong u wa ka sorkar daw rai ko ya kani ka kaam wei e yumut u kam u Lat wa lada ka sorkar ka mynjur (Pass) ko ya kani ka aiñ ha yung dorbar wow phah cha oo, ym em laad da iwi won lait noh wow mynjur.

Share this:
Previous

Emkaam ya waroh wow krehlang ki wow pynku ya i puræ puthi: Conrad

Next

Ym maap ya kiwa emkti wow thang ya ka lama India, ong u Conrad