Shillong: Ki 6 Wicket naka Vandana Mahajan da yarap ko wow pynsuk ya kiwa kdong Run ka Meghalaya pyrchah yaka Jammu & Kashmir haka yalehke ka Women’s Senior One-Day Trophy ha Puducherry ynne ka sngi.
Ka Meghalaya da phah Bat nyngkong ko yaka J&K kawa da ye ki wow kamai du 29 Run wei da ye wow kdong ya kani ka thong deiwa dooh du ar Wicket.
Chi sngi hadien wa jop yaka Bihar, ka Meghalaya ynne da yalehke ko du 2 kynta heiwa ka Mahajan da yah ko nakhmat da ka bol deiwa yoh 6/5. Da yoh ko wow pynhaap Wicket pyn naka Over wa nyngkong deiwa yoh ar Wicket.
Kiwi de kiwa kawang bol kiwa yoh Wicket yaka Meghalaya toh ka Debasmita Dutta 2/8, ka Riticia Nongbet 1/7 waka Pinky Chanda 1/7 yow pynhaap lut ki Wicket ka J&K da 29 Run na ki 17.3 Over.
Ka Meghalaya hawa kdong Run ko da dooh ko ar tylli ki Wicket wei da pynpoi thong daka Saee Purandare (13 Not out) waka Mahajan (9 Not out) yow yoh 30/2 na 13.2 Over.
Discussion about this post