Shillong: Ka District Magistrate, East Khasi Hills District da pyntip ko wa ya i por wa krehkaam ka Curfew ha waroh ka thaaiñ Police Bazaar wa Anjalee Cinema kamjooh ki thaw wa em khappood waka Iew Mawlong u pyndam nadooh 12:00 PM hadooh 4:00 PM ka 4th March, 2020 hadooh wa pynbna won da iwi.
U Sub Divisional Magistrate, Sohra Civil Sub Division won da pyntip u wa hapoh ka Section 144 CrPC da pyndam yei krehkaam ka Curfew ha ki thaw wa haap hapoh Sohra Police Station nadooh 8:00 AM hadooh 6:00 PM ka 4th March, 2020 wei daw krehkaam biang ko nadooh 6:00 PM ka 4th March, 2020 hadooh wa pynbna won da iwi.
Ka Curfew ha Ichamati won da pyndam nadooh 8:00 AM hadooh 11 AM ka 4th March, 2020 wei daw krehkaam biang ko nadooh 11:00 AM ka 4th March, 2020 hadooh wa pynbna won da iwi.
Waroh ki thaw wa haap hapoh Shella PS, Tyllap OP wa Bholaganj PCP, yaka Curfew da pyndam nadooh 8:00 AM hadooh 1:00 PM ka 4th March, 2020 wei daw krehkaam biang ko nadooh 1:00 PM ka 4th March, 2020 hadooh wa pynbna won da iwi.
U Sub Divisional Magistrate, Sohra Civil Sub Division da pyntip u leh wa daw yada kyrpang ki pulit (Special Escort) ya ki khynnah hadien wa kut Exam kiwa wan na baar ka chnong Mawlong kiwa yaleh Exam SSLC ha Mawlong Centre.
Discussion about this post