Shillong: U montri rangbah ka jylla, u Conrad K Sangma ynne lyngba ka Video Conference wa ki Deputy Commissioner wa ki sahep i chait i khiah yong waroh ki District wow booddien yei pynkhreh hajrong u COVID-19.
Kiwa da em ha kani ka yalang booddien toh u montri ka chnat i chait i khiah, u AL Hek, u montri ka kaam pohyung, u Lakhmen Rymbui wa kiwi kiwi.
U Conrad da ong u wa i man i long ha kylleiñ ka pyrthai wa ka ri man iwa sñiawkhia bha wei emkaam wow kiar u man ki bru kiwa hær-rngu khnang wow ye u yada wei wow khang yei poor uni u khñiang.
Da ong u leh wa emkaam bha wow embynta ki waheh chnong wa ki paidbah ha kini ki 15 sngi wow wan.
Chooh chooh ha ka yalang da pynksan leh yei emkaam wow sylli (Screening) wei wow booddien ya kiwa wan na baar ri wa kiwi ki bynta ka ri, wow booh ya ki Isolation Ward, u biang ki wakreh ka chnat i chait i khiah, ki dawai wa kiwi kiwi.
Da kyntu leh wow wa emkaam wow pynche u pynsñiawthooh hajrong i myntoi wow man kiwa lehkhooid, u em cha jngai na ki bru wa kiwi kiwi.
Discussion about this post