Ka jhaad ki chipai duriaw ka ri (Indian Navy) ka INS Nireekshak, kawa haap hapoh ka Southern Naval Command, wa kawa na Kochi, ynnin ka sngi da pynlait ko ya 10 ngut kiwa neh ha ka lieñ Fishing Boat Saint Nicholas, harood ka duriawbah hajan ka jylla Tamil Nadu.
Kani ka lieñ em ko 10 ngut ki bru wei ym dap phñiang ko, wot ka um wow ye ko u poi cha chnong tre ki ha Kolachel, Tamil Nadu wei da neh hi-eh ko ha duriaw hajan ka sor Kochi.
Ka INS Nireekshak, hadien wa tip ko yeini da lai e yarap lo 300 liter i phñiang, wa kiwi kiwi ki mar wa emkaam hadooh wow dap ki u poi cha Kolahel.
Katkam wa man ki kyndon wa yatoh wa ka khlam u COVID-19 da pyntikna wa i e yarap ymtoh deiwa yabi namo yajan wa kini ki chiphaw ngut heiwa da e ya i phñiang wa ka um deiwa pynemkaam ya ka Crane wa em ha ka jhaad.
Kani ka lieñ da mih ko na Kochi ha ka 12 Wisu (March) wow khwe ha ka duriawbah Arabian Sea wei ymem de u poi ko cha chnong wei da toh u poi ko cha Kochi wow thooh phñiang wa kiwi kiwi tangwa nei em ka Lockdown da thut ini waroh.
Discussion about this post