Ki baar jylla wa yoh ksoh ki pulit toh ki wakreh mylla kiwa wan na thaaiñ Umsning: Prestone

Shillong: U Prestone Tynsong, uwa man leh u Symbood Montri Rangbah ka jylla da ong u wa ym em itæ i wan yong ki bru wa nabaar hadien wa da pynbna ya i khang chnong næ ka Lockdown wa 21 sngi.

Hawa kylli hajrong i yoh ksoh ki pulit ya ki baar jylla Muslim na ka thaaiñ Mawlai, u Tynsong da ong u wa kini ki bru toh ki wakreh mylla kiwa wan lai dei kjat na ka thaaiñ Umsning. Da pyntip chooh chooh u wa kini ki bru ym toh kiwa wan na kiwi won ki jylla, tangwa toh kiwa em chwa ha kani ka jylla, wei ya kini da pynkit noh cha kawi ka thaw wow sah heiwa da paitbniah leh wa ya ki deiwa leh ya ki Test kamwa emkaam.

Da ong chooh chooh u wa i em kini ki bru cha kani ka jylla toh wa hadien wa da pynbna ya ka Lockdown, wot ka sorkar Meghalaya leh da phah ko ya kiwa chong chnong wa sahkut cha kiwi ki jylla wow sah bait chwa ha ki thaw wa em ki. Da ong leh wa i wan ku kini ki bru na ka thaaiñ Umsning cha Shillong ye wow man wa ym em baam de ki.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025