Shillong: U Symbood Montri Rangbah ka Meghalaya, u Prestone Tynsong da kyntu joor u ya ki bor pynlai chnong wa ki paidbah wow man ki kiwa paitbniah bha ha kani ka por, khamtam neidaw wa u khñiang COVID-19 da poi u ha Assam kawa man ka jylla kawa yajan tam wa ka Meghalaya.
Da ong u wa kiwi ki jylla wa ka pyrthai hi da paitkhmat ki cha ka jylla Meghalaya kawa hadooh katni ym pu yoh uni u khñiang, deiwa pynrap wa ka jylla hadooh katni toh kawa lait na uni u khñiang.
U Prestone da ong u wa ka thong wa hakhmat dooh yong ka sorkar toh wow poi cha ka 14 tarik uni u bnai, kawa sah sa kamwa 11 sngi, wei lada ka jylla ye ko wow poi cha kani ka sngi khang chnong næ Lockdown wa 21 sngi, ka jylla daw sñiaw chngaaiñ ko.
Da ong u wa nalor i paitbniah lang da ka sorkar wa ki bor chnong, kawa kongsan toh wow khang syndon tdam ya i psiah i mih ki bru cha kani ka jylla, khamtam wa ka jylla ym pu biang ko ya i kær ha ki khappood lada man waka Assam næ ka ri Bangladesh.
U Tynsong ha i jooh i por da e khublei u leh ya ki wakreh ha ki chnat sorkar waphær waphær kiwa da kreh chitom deiwa dooh thiah dooh dem wow pyntikna wa u khñiang COVID-19 ym yoh u wow psiah cha kani ka jylla.
Discussion about this post