Jowai: Ka Hynniewtrep Youth Council (HYC) War Jaiñtia Circle hei yahkhmat u Asst. Education Secretary u Diman Myrchiang deilang waki bru sorkar da lai pait lai sylli ki yaki dukan ha chnong Amlarem, Pdengshakap, Padu, Nongtalang katwa ha chnong Sohkha wa Lamin won neidaw wa em i jia wa sngawsih ha Lamin da phah noh ki yaki dor marbaam (Price List) chaki waheh chnong yow saam ki cha ki dukan chnong yong ki.
Heini i hiar lai pait lai sylli da saam leh ya i dor marbaam mardih wa kiwi ki tiar, wei da kyntu leh ya waroh ki dukan wow biah yaki dor marbaam haphrang dukan yong ki. Ha kani ka sngi da batai bniah thij pa thij yaki tre dukan wym hoi u dai syad dor palat yei dor wada pynbna daka SDO Amlarem.
Da ong leh wa lada chem wa em kiwa dai syad dor, ki bor wa toh u pait yaki aiñ u leh ki yeiwa emkaam wei kamjooh leh neini chakhmat u nang pynjoor chooh chooh i lai pait lai sylli khnang yow ye u khang laad ya kitu kiwa chim kabu.
Neitæ da kyntu joor leh yaki dukan wow bood ryntih yaki hukum ka sorkar jylla khnang yow lait chem saja ki paidbah.
Ka seiñ ha kani ka sngi lyngba u Sport Secretary u Bonanza Shylla, hei bor wakhian yong ka da lai e yarap ko da u khoo cha waroh kitu ki yung ha Lamin kiwa da maad yei jia wa sñiawsih neiwa baam tit.
Heijooh i por phah ko ka khubor sñiawlem cha waroh kitu ki manyung wa ym toh u dooh kyrmen wei wow chaniah ha u Blai.
Discussion about this post