15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Angnood ka sorkar pyrdi wow sdang hadooh 4000 tylli ki Community Radio Station

0 Comments

Shillong: Ka esikai wa le sngi wa tip kam ka Community Radio Awareness Workshop wa pynman da ka Ministry of Information and Broadcasting, yong ka sorkar pyrdi chirup wa ka Commonwealth Educational Media Centre for Asia (CEMCA), New Delhi wa ka Department of Journalism and Mass Communication, The English and Foreign Languages (EFL) University, Shillong Campus, da sdang ya ka ynne ha kani ka skurbah.

Kani ka esikai hajrong ka Community Radio, toh kawa pynlai wei pynwandur da ka imlang sahlang.

U Director of CEMCA, u Dr. Shahid Rasool da ong u wa ka sorkar pyrdi angnood ko wow sdang hadooh 4000 tylli ki Community Radio Centres heiwa ka imlang sahlang ye ko wow wow chna wei wow pathai (broadcast) ya ki program nadooh ki sur ki rwai, i kaam rep, wa kiwi kiwi. Da pyntip u leh wa hadooh katni da e dang du 253 tylli ki Community Radio License da ka sorkar ha waroh kawi ka ri.

U PMU, CRS Cell, Ministry of Information and Broadcasting, Government of India, u Amit Dwivedi da pyntip u wa hadooh katni ka sorkar da e ko 7 tylli ki Community Radio License cha ki seiñ ka thaaiñ mihsngi wei na kini 3 tylli toh kiwa em ha Assam, 2 ha Manipur wa mar kawi ha Tripura wa Arunachal Pradesh.

U Dr. R Sreedher, ya uwa tip leh kam u ‘Father of Community Radio’ ha India, da ong u wa i kyntien ‘Radio” toh iwa da mylliñ katni na ki daaw wa boon deiwa kyntu wa ki Community Radio ymtoh u pynman ya ki kam ki laad yakhih namo wow pynmih poisa.

Heiyatoh wa i pynkylla ya ka Community Radio Policy toh wow pynchlur wow sdang ya ki Community Radio lada da ki thaw puræ namo ki chnat sorkar ye ki wow yoh license tangwa emkaam won wow bood ki ya ki kyndon wa da booh kamjooh leh wa kawi ka Station ye ko wow pathai hapoh 25 km donhi. Chooh chooh da ong u wa kawi ka thaw ye ko wow booh le tylli ki license wei ki advertisement ye wow chah u pathai hadooh 7.5 minit man ka kynta khnang wow pynim ya kini ki Community Radio Station.

Chwa wow sdang ka esikai, u EFL University Director in-charge u Prof. T. K. Bamon da e u ya ki kyntien pdiang burom wei ha kani ka esikai da wan chimbynta da kiwa kreh ki chnat sorkar, ki seiñbhalang, wa ki thaw puræ na kylleiñ ka thaaiñ.

Ya ki kyntien ekhublei won da e da ka Dr. Caroline Wahlang, Assistant Professor, Department of Journalism and Mass Communication, EFL University, Shillong Campus. 

Previous
Next

0 Comments

Leave a Reply