Angnood u Conrad wow man ka Meghalaya kam ka nongbah i pynmih kiad-umsoh

U Montri Rangbah ka jylla, u Conrad K Sangma ynne da ong u wa ka sorkar da booh ko ya ka thong krehkaam wow pynchlur u chna ya i kiad-umsoh (Fruit Wine Industry) hapoh ka jylla heiwa da em ka Policy wow pynchlur ya kiwa chet ya i kiad-umsoh wei da ye u pynyatoh ya kani ka khih wa i rep i riang, i uiñke suwari, kiwa bru wa seiñ kreh wa kiwa chet kiad da ki soh wa mih pyn napoh ka jylla. 

Hawa e yei klam yow wai ya ka North East Wine Incubation Centre ha Mawdiangdiang, Shillong, u Conrad da kynmoo u hawa maad nyngkong u ya i kiad-umsoh wa chet da u satrooiñ yeiwa da biah yei pyrtuid ha u klong Beer iwa pynjohkhe ya oo wow pynchlur kammon u pynriam wei wow song ya kini ki mar. 

Da ong u hanla i song ya ini i kiad-umsoh ym em yoo bang tanwa manda dih won toh iwa bang bha wei da sñiawthooh u wa kani toh ka khih kawa ye bha u heh kawa daw pynmyntoi ya ki warep, kiwa uiñke suwari wa kiwa seiñ khih hapoh ka jylla.

Heiyatoh wow pynchlur ya ini emkaam u em ka rukom krehkaam wa ka Policy wow kyrchaan ya kiwa chet kiad-umsoh khnang wow ku i yoh i laa hapoh ka jylla, da ong u Conrad. 

Related posts

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

Da kwah u leh wa ka jylla Meghalaya wow man ko kam ka nongbah i pynmih kiad-umsoh hapoh ka ri. 

Da ong u leh wa emkaam ya ki Wine Incubation Centre namo ki thaw wow pdem ya kini ki kiad-umsoh neibynta kiwa seiñ kreh yow yoh myntoi ki. 

Heiyatoh wa ki License wei wow yarap ya kiwa chet kiad-umsoh, da kular u wa ka bai License u man ko kawa duna wei daw pynsuk leh yei rukom leh Registration.   

Ha kani ka sngi da wai ya ka Wine Incubation Centre kawa nyngkong dooh ha ka thaaiñ chaneiñ mihsngi wei ha kani ka sngi da emlang ka Montri i rep i riang, ka Ampareen Lyngdoh wa u Montri ka chnat Excise, u Kyrmen Shylla.

Ka sorkar da dep ko leh wow phah sikai ya 68 ngut ha u Naiynru wa Naiynñiaw kiwa da pyndep ya ka Wine Appreciation & Wine Making Certification Courses wei kattæ da em 25 ngut kiwa dang em hapyrdi i chah sikai.

Na kini da em 16 ngut kiwa dang lai kreh yow chem sap ya ini i kaam hapoh ka Hill Zill Wines kawa em ha Bordi, Maharashtra.