Angnood u Kyrmen Shylla wow yasait neibynta wow wanrah yei roi i paar hapoh ri-loom Jaiñtia

Shillong: U MLA ka Khliehriat u Kyrmen Shylla da ong wa angnood u wow wanrah ya ki sarok cha ki thaiñ kiwa dang sahdien bha. Nalor ki sarok, kwah u leh wow wanrah ya ki laad sumaar kiwa biang wei da ong u leh wa da booh thong wow yasait neibynta ka ri-loom Jaiñtia kamjooh leh ya ka Constituency ka yong oo.

Da ong u leh wa kwah u wow wanrah ya ki College cha kani ka thaiñ wei kamjooh wow pynku ya ka kaam uiñke suwari u pynku ya ki kaam yalehke wa kiwi ki laad ya ki khynroo khyllood.

Da pteiñ u leh deiwa ong leh wa i wow wai biang yei tih mooyong man ko kawi na ki phang wow yaklam waka sorkar yow pyllait noh yei khang ka NGT.

Heiyatoh waka kaam uiñke suwari da ong u wa da rai u wow pynku ya ka neibhah boon ki thaw kiwa em ka laad wow yarap ya ki paidbah tangwa neidaw wym biang ka sarok da ktah ko yeini.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u leh wa nadooh wa khang ya u mooyong, ki paidbah da dooh khih dooh khan ki wei emkaam leh wow thooh laad yow lait ki khynroo khyllood wow lai cha ki luti wa bakla.

Da pynkut u deiwa ong wa ki bru sñiawthooh ki yei emkaam wow kyntu ya ka rep ka riang tangwa chitom ki toh wa wym yoh kyrchaan ki naka sorkar kawa pait ya ini.