Ar ngut kiwa da chah kem hei tympdung Bomb ha ka thaw sah kiwa kreh ka Dhar Company

U Montri Rangbah ka jylla, u Conrad K. Sangma, ynne ka sngi da ong u wa ka sorkar Meghalaya ym e laad ko ya kiwon kiwon ki kaam pyrchah aiñ wa da leh da ka Hynniewtrep National Liberation Council (HNLC) hadien wa tympdung Bomb IED ko ha ka thaw sah kiwa kreh sarok ka Dhar Company wa em ha Shymplong, East Jaiñtia Hills District hei step synyaaw ka 15 tarik.

Hawa kylli yeiwa ong ka HNLC wa yeini da leh deiwa mang ya ki tiar ki tar wa mantre da u Sniawbhalang Dhar hadien wym bien u wow su ya ka poisa wa da dawa ki, neiliang u Conrad da jubab u deiwa ong wa ki pulit da pynlang ki ya ki sabut yow leh ki yeiwa emkaam deiwa kular leh wa waroh kiwa emkti daw chah pynchitom ki.

Neiliang ki pulit da pyntip ki wa da kem ya ar ngut ki dkhot ka HNLC kiwa man kam ki Over Ground Worker ynnin ka sngi kiwa da phla wa da lai booh ki ya uni u Bom IED heiwa da suba toh uwa da chna deiwa pynemkaam da ki Dynamite.

Related posts

Tkut waroh ki chaka dien ka Truck kawa noh na yingkieñ chapoh ka wah

January 11, 2026

Khut ka kur Pale ya ki khon ka kur wa lehbha hei puræ puthi yow pynkup burom

January 11, 2026

Ka HNLC hawa phah khubor ynnin ka sngi da ong ko wa ka wa emkti ha ini i kaam wei da leh yeini neidaw wym bien u Sniawbhalang u su yei dawa poisa kamwa leh kiwi.