Ynne ka sngi, ka yung bichaar u N.A. Khan, District and Sessions Judge, West Jaiñtia Hills District, da rai pynrem ko ya u SI Glithstone Ch Marak, heiyatoh wa i yap uwi heipor wa dang chah kset ha kti ki pulit iwa da jia ha u snem 1997.
Kam wow kdaw heini wa ha ka 16 tarik u November 1997, heipor 1:00 waje i step synyaaw, u SI Glithstone Ch Marak (uwa man kam u In-Charge ka Raliang Out Post ha itu i por) deilang kiwi ki pulit da kem ki ya u Emsalon Tariang na yung wa sah u khlem em iwon iwon i daw.
Neiliang ka bei u Emsalon da pynbaad ko wa kini ki pulit toh kiwa da muaid wei da bom da dat ki ya u khon ko deiwa joor bha najrong wa maham ki oo hapoh ka Out Post. Hanla da kypraad ko leh yow pynlait ya u khon ko tangwa kini ki pulit ym em leh ki yeini.
Hei step ka sngi wa bood heipor kamwa 7:00 waje, kani ka manbei da chem ko wa da thiah yap u khon ko hapoh ka Police Out Post khlem da sap de u kawon kawon ka sula.
Ya kani ka Case da Register ha Jowai PS da ka Case No. 104(11)97 deiwa pynnngat hapoh ka kyndon 302/34 ka IPC wei hadien wa takit da u Officer In-Charge u Insp, Nila Kalita, da booh leh ya ka Charge Sheet.
I bichaar ya kani ka mukotduma toh iwa da pyndep hadien 29 snem heiwa ka yung bichaar da rai pynrem ko ya u Glithstone Ch Marak tangwa deiwa pyrkhat wa kattæ em u 64 snem i rta, i chah beh kreh noh u wei ym em leh u kiwi de ki kaam pyrchah aiñ, kamtæ da phah wow kset oo 2 snem deiwa pynchitom bha deilang ka kuna wa Rs. 2000.
Discussion about this post