Ha kani ka kynti da mih i danda wow sdang ya kawi ka seiñ wa tip kam ka ‘Cockroach Janta Party’ (CJP) heiwa da poor bha ko Online, wei ini wan i hadien i klam u Chief Justice of India (CJI) u Surya Kant uwa pynryngkat ya ki khynroo wa khlem khih kam ki niangryngklaw, iwa da pynchrai ya kiwa boon.
Ka CJP da kam ko wa toh ka seiñ ki khynroo, neibynta ki khynroo heiwa nadooh wa sdang ya ka da em palat 40,000 ki dkhot kiwa da Register Online.
Ini waroh da sdang i na ka 16 tarik uni u bnai heiwa u khynroo Abhijeet Dipke (30 snem), da booh u ya ka Google Form ha Social Media wow khut ya ki bru wow psiah cha ka Cockroach Janta Party. Ini da man Viral i wei da mih leh ki ‘Meme’ wa har rukom pyrchah yei klam u CJI hawa chong bichaar ya ka mukotduma.
Neiliang u Chief Justice da pynche u deiwa ong wa ini i klam u toh pyrchah ya ki bru wa em Degree thok wow psiah kreh kam ki muktiar, ymtoh wa kdaw u ya ki khynroo wa khlem khih.
U Dipke toh uwa da pyndep yei puræ Public Relations ha Boston University wei da jooh kreh u wa ka Social Media Team ka Aam Aadmi Party (AAP) hapyrdi u 2020 wa 2023, da ong u wa ini waroh da sdang i nei klam danda Online iwa da kylla won cha i rynsan wow pynsñiaw ki paidbah yei chrai.
Ka Cockroach Janta Party da tyrwa ko leh ki buit wa ki dawa nadooh i laitlooid ki kasari khlem thung kreh ya ki Chief Justice wa da chongngiah, i bhah wa 50% ya ki kynthai ha Parliament wa Union Cabinet wa ki aiñ wa khor yei yut seiñ.
Ka la’ær ka seiñ leh da beh bha ko heiwa ki MP ka Trinamool Congress (TMC) kam ka Mahua Moitra wa u Kirti Azad da pynsñiaw ki yei kwah wow psiah cha kani ka seiñ danda.
Discussion about this post