Ar tylli ki takma ksiar wa kawi ka takam rupa yoh ka Olivia ha ka National Arm Wrestling Championship

Ka Olivia Dkhar kawa na ka chnong Khahnar, East Jaiñtia Hills District kawa da wanrah naam ya ka jylla Meghalaya ha ka lympung yalehke yakhun kti kawa tip kam ka National Arm Wrestling & Para Arm Wrestling Championship 2025 kawa da pynman hapoh i pyrtuid ka People’s Arm Wrestling Federation India kawa da tipmit da ka Asian and World Arm Wrestling Federation wa pynman da ka Kerala Arm Wrestling Association, ynne ka sngi da wan poi ko cha ka jylla ha ryngkat i yoh khur 2 tylli ki takma ksiar wa kawi ka takma rupa.

Ya ka Olivia da pdiang burom da ka Jaiñtia Arm Wrestling Association deilang kiwa ha-yung ha-sem yong ka ha yingkieñ Myntdu chwa wow psiah ko lyngba ka Jowai yow liwan cha East Jaiñtia Hills District.

Ka Jaiñtia Arm Wrestling Association da pdiang burom haroh ko ya u Riphaitki Saio uni leh uwa lai chimbynta hi tangwa ym em yoh takma u.

Neiliang kiwa yahkhmat ka Jaiñtia Arm Wrestling Association da emlang ka General Secretary, ka Pretty Lyngdoh, u Asst. General Secretary, u Ronchor Shullai chirup wa u ma yong kani ka khyllood, u Mathus Dkhar kiwa da khublei wei sñiawngooh yei naam i burom wa ka Olivia Dkhar da wanrah ko ya ka District wa ka jylla.

Hawa klam cha kiwa thoh khubor, ka Olivia Dkhar khana ko wa hei nyngkong hi da sdang chimbynta lehke yakhun kti næ Arm Wrestling ko ha chnong yong ka hi wa pynman da ka Parish wei na kani ka rynsan da sdang ko wow lai mihkhmat chimbynta haki rynsan waphær waphær wa kynthup yong ka District wa ka jylla.

Related posts

Baam lut i diñ ya ka karkhana chna tusok ha Byrnihat

January 13, 2026

Nyngkong dawa u Home Guard Rs. 1 lak na kiwa na Assam | Da kem wei da rah oo hakhmat ka High Court: SP

January 13, 2026

Khana ko wa nadooh u snem 2024 da mihkhmat ko ha ka National Level hadien wa jop hapoh ka jylla heiwa da yoh khur ko du da ki takma rupa ar tylli.

Kamtæ khlem randien hanla hap maad ko chiboon i eh i khoo, ha uni u snem leh da mih ya chimbynta biang ko deiwa sdang na ka State Level wei hadien kani da yoh ko wow mihkhmat biang ko cha ka National Level, kamtæ dei kreh chitom ha kani ka kynti da yoh khur syndon ko hadooh ar tylli ki takma ksiar hei kyrdan Youth Right Hand wa Left Hand. Katwa kawi ka takma rupa won da yoh ko hei kyrdan Senior Right Hand.

Kamtæ hajrong ini i jop yong ka da sñiawngooh ko ya waroh kiwa embynta u pynchlur wei e mynsien hei lai luti yong ka wei khamtam iwa kyrpang dooh ya kiwa ha-yung ha-sem yong ka khamtam ka bei u pa kiwa da emlang bait chirup waka ha iwon iwon i bynta.