Daw klam pyrkhat yei pynkylla aiñ ka GHADC wa ki heh yong ka: Conrad

U Chief Minister ka jylla, u Conrad K Sangma ynne da ong u wa i rai pynman ya ka Election MDC cha ka Garo Hills Autonomous District Council (GHADC) da kyrriah ya ka hadien wa mih i awri neiwa khang ya ki Non-Tribal wow chimbynta ki ha ka Election. 

Da pynrap u deiwa ong wa daw klam pyrkhat yeini wa ki heh ka District Council.

Ini wan i hadien wa e muhor u Lat ka jylla, u CH Vijayashankar ya ka AD Rules ka GHADC wow khang yei yakhun Election ki kyrtong khlem ka Scheduled Tribe Certificate.

U Conrad da ong u wa daw pait biang yeini neibhah wa ymtoh i kaamram ka sorkar jylla wei kam u CM emkaam wow yahluti yeiwa kwah tangwa i rai hi chong i ha ka District Council wow chim yei rai.

Related posts

Dohyap kiwa kreh Forest u thooh wei yarap ya u hati wa sakhut ka chaka Tractor ha rdang u

September 10, 2026

Chah yooh ka khynnah wa kyndeh ke hakhmat yung hadooh wa yap

September 10, 2026

Da ban joor u leh wa ki District Council toh ki yung krehkaam wa laitlooid wei emkaam u yang ya ki rai wa pynmih ki heiwa da e bor ha u CEM wa ka EC wa ka thymme wow klam wei phyllu yumut yeini.

Heijooh i por da ong u wa ka AD Rules chah ko ya ka sorkar wow pynyinsur namo wow pteiñ ya ka samoi krehkaam ka GHADC da 6 bnai.