Ka Super League ka Amlarem Sub-Divisional Sports Association (ASSA) da pteiñ biang ya ka ynne sngi ha madan Mini Stadium Ladjaplem heiwa da pynman yaka yakhun Eliminator Round.
Ka yalehke wa pynman toh hapyrdi ka Thangbuli YSWC waka Seinbhalang Shkentalang kawa da kut da 1-1 heiwa da pynman da ka yakhut Tie-Breaker heiwa da jop da ka Thangbuli da 5-4.
Ya ka kool ka Thangbuli da thap da u Kiman Tariang haka minit wa 70 katwa yaka Seinbhalang da thap da u Obel Suting haka minit wa 9.
Mynstep ka yalehke u man ko hapyrdi ka Pdengkarong YC waka Man I Bha SC wei kat kiwa jop daw yoh ki u psiah Final tangwa kawa rem daw yachem ko waka Thangbuli ha ka Semi Final wa ar haka 3 tarik heipor 2:00 waje i sngi.
