Jowai: Katkam wa pyntip ki pulit da em i yung Slope wa chah baam lut hei diñ ha i thaw wa tip kam i Dieñ Thare iwa em hapyrdi u pood Ummulong-Moodymmai harood ka sarok bah NH-44 heipor 10:15 i step ynne ka sngi.
Hadien wa pynman ki pulit ya ka takit, da chem waka tre yung toh ka Evangelica Lamare kawa na Ummulong wei da sah ka Peacful Phawa ha ini i yung kawa na chnong Moodymmai.
Heini por wa jia, ka Peaceful dang pyniñ um ko deiwa pynemkaam da ki dieñ ha thaw chet ja wei da lai ko cha lait yow khoh kwai wei da yoo ko wa da kop diñ iwi i chram yung iwa da tymmoh da ka Plastic wei da poor i wut wut cha kiwi ki kamra wei da pdung ka tadong LPG Gas.
Da tympleh ya i diñ da ka kari tympleh diñ deiwa yarap lang ki paidbah iwa da chimpor chi kynta chiteiñ.
Da antaad wa i doohnong da poi ko kamwa T. 3 Lak wei da kop diñ toh nei khaler kawa sah ha ini i yung.
Discussion about this post