Jowai: I tympra ka la-ær, u slap wa u phria ha ka janmiet ka 17 tarik ha chnong Umkiang, Pyrtakuna wa Kuliang da wanrah ko yei doohnong wa joor ya ki bru heiwa da chah khyndang ki yung bru wei da sepai ki mar rep kani ka thaaiñ. Ka Khasi Students’ Union Narpuh Circle da pynsñiaw ko yei mynsien sñiawlem ya ki manyung kiwa maad yeini ha i bor ka rymaw, wei da ka kyntu ya ka sorkar wow phah smat ya i yarap ya kini ki manyung wa da chah ktah.
Ka seiñ da pyntip ko leh wa da yoh yutip ko na u dkhot yong ka u Vice President ka Circle u Phanuel Tongper uwa lai sylli ya kani ka kaam wei da chem kiwa chah ktah wa boon dooh toh ha ka chnong Umkiang kawa da pynthut leh ya ka yaseiñ Narpuh Border Presbytery kawa pynman ha Chiehruphi ha katai ka sngi.
Ha iwi tawon i liang, ka seiñ da kyntu ko ya ka chnat bordiñ MEPDCL wow kylliang smat ko ya u chrot bordiñ wa em ha Lumshnong hajan ka Meghalaya Rural Bank neidaw da chah tyrrah u ha kawi ka kari kit phniang ynne ka sngi heiwa da dooh bordiñ na ini i jia.
Ini toh katkam wa pyntip u Deibormi Dkhar, General Secretary KSU Narpuh Circle.
Discussion about this post