Jowai: Ki 29 ngut ki MDC wa dang dep jied thymme cha ka yung dorbar chna aiñ ka JHADC na ki 29 tylli ki Constituency, ynne ka sngi da baam smai ki hapoh ka yung dorbar yong ka Council hakhmat u Deputy Commissioner ka West Jaiñtia Hills District u Garod LSN Dykes.
Ya kani ka baam smai da pyndep katkam ka hukum u Lat ka jylla hapoh ka Rule 24 yong ka Assam and Meghalaya Autonomous District Council (Constitution of District Councils) Rules, 1951.
Ki 29 ngut ki MDC kiwa da baam smai kynthup ki ya u Gillroy Tariang, u Holando Lamin, u Het Pohthmi, u Lakhon Dkhar, u Ailad Bhoi, u Jesse Suiam, u Lakhon Biam, u Thombor Shiwat, u Eveningstar Teron, u Dawan Lyngdoh, u Ruda Ioo Tang, u Aiborlang Shadap, u Habahun Dkhar, u Winning G. Sungoh, u Robinus Syngkon, u J.Treilang Suchiang, u Brightstar Chyrmang, u Awhai Andrew Shullai, u Saron Paswet, u Lomris Lyngdoh, u Lasky Rymbai, u Phasmon Dkhar, u Finelyness Bareh, u Seiborlang Shadap, u Richard Singh Lyngdoh, u Krison Langstang, u Arbor Hima Darnei, u Emlangki Lamare wa u Dr.Sankey Shangpung.
Mynstep ka 7 tarik won daw pynman ya ka Election wow jied ya u Chairman Council kamjooh i jied CEM katkam ka Rule 32 yong ka Council.
Discussion about this post