Shillong: U MLA ka Ranikor u Pius Marwein uwa dang chah jied ha kani ka Election chiteiñ samoi, da baam smai u ynne ka sngi kam u MLA ha ka yung dorbar wa chiphaw ka jylla.
Ya u Pius uwa jop na ka UDP da pynbaam smai da u Lamphang ka Yung Dorbar ka jylla, u Dr. Donkupar Roy ha kamra krehkaam yong oo ha Shillong ynne ka sngi.
Ha ini i baam smai ya u Pius da synraan lang da kiwa kitkaam ki seiñ saiñ hima wa kynthup ya u Sniawbhalang Dhar na NPP, u AL Hek na ka BJP, u Renikton Tongkhar na ka HSPDP, wa u Lahkmen Rymbui na ka UDP, kiwa hayung ha sem yong oo, kiwa kitkaam ka UDP na Ranikor Circle wa kiwi kiwi.
Hawa yaklam wa kiwa pathai khubor hadien wa da dep baam smai, u Pius da ong wa ka Ranikor dang sahdien tam ko ha waroh ki liang khamtam ha ki arphaw snem wa da dep.
Da ong u wa daw kyntu leh ya ka sorkar wow pynsmat ko wow pyllait yei khang tih mooyong ha ka jylla khamtam ha ka thaaiñ Ranikor kiwa boon kiwa chong chnong toh kiwa kreh yei kaam tih mooyong.
Discussion about this post