Haka 27 tarik u ni u bnai, chi kynhun ki khynroo ka chnong Shangpung da pynyasoh ki cha ka seiñ KSU deiwa chim leh ya i baamsmai neibynta u chakri hok doh wei mynsien ya ka ri wa ya ka jaitbru Khasi lyngba ka KSU wei kamjooh leh deiwa hun leh u pdiang ya i eh i tynjooh kiwa wan pynwit pynthut hawa e chakri yaka jaitbru.
Ya katai ka chnat krehkaam da tip kam ka KSU Shangpung Unit kawa haap hapoh i pait yong ka KSU Laskeiñ Circle.
Ha katai ka sngi da wan wow pynskem ya katai ka chnat krehkaam thymme da u Lambokstarwel Marngar President ka KSU seiñbei, katwa yaka yalang da pynlai da u Cherity Suja General Secretary ka KSU Jaiñtia Hills District Unit.
U Lambok hawa e yei klam haka yalang da ong u wa kam ki kynroo næ ki dkhot yong ka jaitbru toh u em i i bahkhlieh ha i samen ya i eh i chon næ yaka yap ka im yong ka jaitbru khnang wa ka pateiñ yong ka jaitbru ym dooh de ko.
Hawa pynchlur ya ki khynroo wow yasoh wa ka KSU, u Lambok da ong u, “Ka KSU toh ka skurbah yong ka jaitbru ka wow e yei sikai yaki khynroo ka jaitbru khnang wow tip ki kammon u ri yaka akor ka burom wei kammon u maya ya ka ri wa ya ka jaitbru yong i”.
Hawa maham ya ki dkhot ka seiñ wa ymtoh u lai lait ki ya ki kyndon krehkam ka seiñ, da ong u, “Kamwa ka KSU da em ko ya u dieñsympat neibynta kitu kiwa jooh myllien wow leh pyrchah yaka jaitbru, ka KSU em ko leh ya u dieñsympat neibynta ki dkhot yong ka kiwa lai lait yaki riti krehkaam ka seiñ.”
“Hawa yasoh waka KSU, ym toh u pynman phi ka kam katæ ka rynsan tamasa næ rynsan leh sñiawbha, tangwa toh u chim phi yaka kam ka rynsan wow em i kitkhlieh, i man waheh, i sñiawthooh, i che hei rukom pyrkhat wei toh u chim phi leh yaka kam ka rynsan wa kyntang tam neibynta wow rai phi yaka mynried wa tyrchaaiñ yong ka ri,” pynkut u Lambok.
Kiwa kitkaam ka Shangpung Unit toh u Phrangki Papang kam u President, u Sowatki Law kam u Vice President, u Lutmon Sungoh kam u General Secretary, u Banteichwa Langbang kam u Asst. General Secy., u Teimiki Suchiang kam u Finance Secy., u Leki Law kam u Asst. Finance Secy., u Tennyson Suchiang kam u Education Secy., u Sainmiki Suchiang kam u Asst. Education Secy., u Dathrang Sungoh kam u Sports Secy., u Hampyrwa Sungoh kam u Asst. Sports Secy., u Franky Law kam u Environment Secy., u Iaishah Law kam u Asst. Environment Secy., u Thiejmiki Iakai kam u Organising Secy., u Pynioomi Langbang kam u Asst. Organising Secy., u Stefferson Sungoh kam u Publicity Secy., u Deiwympher Suchiang kam u Asst. Publicity Secy., u Shining Iaki kam u Socio-Cultural Secy., u Leimon Sungoh Asst. Socio-Cultural Secy., wa kamwa 6 ngut ki dkhot.
Ka Khasi Students Union haka 29 tarik won da hiar ko cha ka chnong Sahsniang West Jaiñtia Hills, neibynta wow pynthymme biang ya kiwa kitkaam ka KSU Sahsniang Unit.
Kiwa kitkaam ka KSU Sahsniang Unit toh u Yoolang Lathong kam u President, u Darington Kamar kam u Vice President, u Hababiang Syngkon kam u Vice President, u Shanlang Hadem kam u Asst. General Secy., u Mardaplang Kamar Finance Secy., u Iaid Shaphrang Rabon kam u Education Secy., u Lamphrang Tang kam u Organising Secy., u Christopher Biam kam u Publicity Secy., u Rimanroy Kamar kam u Cultural Secy, u Wansanmi Rabon kam u Sports Secy. wa 14 ngut ki dkhot.
