Bahkhlieh ka TRF yei siat ya ka Bus wa em kiwa lai leh niam

Ka The Resistance Front (TRF) kawa kyrchaan da ka Pakistan kawa man leh ka chnat wa mih na ka Lashkar-e-Taiba, da chim ko yei kitkhlieh kam kiwa siat ya kawi ka Bus wa kit ya ki bru wa lai leh niam iwa da jia ynnin ha Resai District ka Jammu & Kashmir heiwa 10 ngut kiwa em hapoh ka Bus da dooh ki yei mynsien ki wa 33 ngut kiwi da mynsoo ki.

Ini da jia i du kamwa chi kynta chwa wow chim smai u Modi kam u Prime Minister, heiwa ka TRF da phah wyrta ko wa daw leh chooh ko kam ini pyrchah ya kiwa uiñke suwari kamjooh ki wym toh ki tre chnong. Da ong ki leh wa ini toh i sdang donhi.  

Ka sorkar India da dep ko wow kheiñ ya ka TRF kam ka Terrorist Organisation ha u snem 2023.

Kani ka TRF toh kawa da seiñ ha u 2019 hadien wa pyndooh pyndam noh ka sorkar ya ka Article 370 hapoh ka Jammu & Kashmir.

Related posts

Daw wai ya ka Raj Bhavan neibynta ki khynnah skur

November 13, 2024

U Amit Kataria u sahep IAS wa mahajon dooh ha ka ri

November 13, 2024

Kam wow kdaw heini wa kani ka Bus toh kawa kit ya ki bru kiwa boon na Uttar Pradesh wa Rajasthan wei dang wan ngooh blai ki na i thaw wa tip kam i Shiv Khori Cave yow lai cha Katra iwa man i chnong wa em ka Vaishno Devi Temple lyngba u sarok yow poi cha u NH-144A deiwa hap u lai na ka luti wa em khloo wa ki loom.

Ini toh iwa da suba toh iwa da pynkhreh bha da ki bru ka TRF kiwa da yang ya kani ka Bus wei da bood ki ka da kawi ka kari wei da siat ki ka wei da toh kuli uwa yah heiwa da noh kani ka Bus cha synrang wei heini i por da wan biang wow siat ya kani ka Bus heiwa da yap 10 ngut wa kynthup ya ki khynnah wa kynthai wei kiwa mynsoo da em ki 33 ngut.

Kiwa lait im da khana ki wa da em uwi leh uwa da hiar cha synrang yow siat ya kani ka Bus wei kiwa em hapoh da suki bait ki yow yoo kamwa da yap ki.

Da suba wa kini kiwa siat ye ki wow em hadooh 3 ngut.