Ban joor u Nujorki yei emkaam wow booh ya ka Outpost ha Muthasiangkwai

U MLA ka Mowkaiaw, u Nujorki Sungoh ynne hapoh ka yung dorbar chna aiñ da wanrah u ya ka Call to Attention Notice yow yaklam yeiwa jia ha thaaiñ khappood hadooh wa chim rai ka chnong Mukroh wow Boycott ya ka MDC Election ka JHADC neidaw wym ye ka sorkar Meghalaya wow e yada ya ki.

U Nujorki da ong u wa kiwa chong chnong ka Mukroh em ki chapoh u pood ka Meghalaya tangwa da pynsñiaw ya ki kamwa em ki cha baar wot hadien wa da wai ya ka Barato Outpost neibhah da kwah ya ka Outpost ha ka Zero Point ka chnong Mukroh.

Wei hajrong ini da rai ki wow Boycott ya ka Election tangwa hadien wa wan ki bor District ka West Jaiñtia Hills, da ye wow pynhun ya ki wa daw booh ya ka Border Outpost ha Muthasiangkwai, kamtæ da rai ki wow pyndam noh ya ka Boycott Election.

Kani ka Muthasiangkwai wot da ka Assam ha u snem 1951 leh mynjur ko wa em ko hapoh Meghalaya wei man ko leh kam ka Zero Point heiwa da em leh ka Notification lyngba ka sorkar wow pynsakhiat yeini.

Related posts

U dawa ki le ngut ki MLA ka South Garo Hills wow wanrah luti rel kawa lai chadooh Dhaka

March 3, 2025

Pynbaad u Ardent wym em khooid ka Election JHADC, jubab u Wailad

March 3, 2025

Da ong u leh wa hanla ka sorkar da pynbiang ko ki sarok tangwa da em ki dong ki wym pu em yoh sarok wei da emkaam wow booh ka mang poisa neibynta ini, wei kani ka chnong kawa em palat 600 tylli ki manyung, ym em tang kawi leh ka Secondary School.

Chooh chooh da ong u wa dang em ki thaw ki wym pu yoh bordiñ hadooh kattæ kam ha ka dong Lumpalang kiwa dang pynemkaam dei mombati hadooh katni.

Da kdaw u leh yei chah pyndik kiwa chong chnong deiwa em ka Forest Gate ka Assam kawa jngai kamwa 5 Km na kani ka chnong.

Hawa e yei jubab, u Prestone Tynsong uwa man leh kam u Montri ki kaam pohyung, da ong u wa ha kani ka wat wa ar i pynbait pood daw ye u pynbait syndon ya waroh ini iwa da slem wa da sahteiñ wei ki chnong wa em ha khappood daw ye ki u im deiwa suk kamjooh wow kamai kajih.

U Nujor da kdaw u leh yei kreh wa da sdang ka Assam ha i thaw wa tip kam i Umsohlang deiwa ong wa ka sorkar toh u phah ko ya ka sorkar Assam wow sangeh ko yeini.

U Prestone hei pynche da ong u wa manda jia kam ini daw hap yachem ki Chief Secretary ki ar jylla kamjooh ki DC ki ar District yow pynbait yeini.