Ka Organising Committee yong ka KSU Mawlai Circle ynne ka sngi da pynman ko yei kynreh ya ki thaw thaw kreh mylla da kiwa na baar jylla ha ki thaw waphær waphær yong ka chnong Mawlai.
Ki thaw wa da lai kynreh toh ha ka thaaiñ Mawiong, Nongkwar Iewrynghep heiwa da chem ya chiboon kiwa na baar kiwa wan niamrong, biah Tile wa kiwi de ki kaam mistri ki wym biang wei ki wym em kiwon kiwon ki kot ki sla khamtam ka Work Permit.
Kamtæ neiliang ka seiñ hadien wa chem ko ya kini ki wym biang ki kot ki sla, da phah ko wow liwan cha ki thaw wa wan ki wei da maham leh deiwa eh wym toh de u wan kreh ki hapoh ka chnong Mawlai wa ha ri Khasi hi waroh kawi.
KSU Mawlai Circle da kyntu ko ya waroh ki tre yung, Contractor wa cha waroh ki para ri wa toh u kiar ki wow e kreh, e kaam ya kiwa na baar neibhah ini da pynkha roi ko ya kini ki hapoh ka ri yong i wei da booh leh hei maa yaka jaitbru waroh kawi.
Da pynche leh wa lada ym yoh kaam yoh jaam ki ym chong ym neh ki hapoh ka ri yong i wei da emkaam ya waroh ki para ri wow e kreh ya para i hi kam chibynta wow kyrchaan wei wow yada nei wan buhai chnong kiwa na baar hapoh ka ri wa maya yong i.
Ka kyrwoh wa pynlait da u Macdonald Jitem, Assistant General Secretary, KSU Mawlai circle.
Discussion about this post