Jowai: Kam chibynta wow pyntikna wa krehkaam pura ka Curfew kam chibynta wow yakhun pyrchah ya ka khlam u COVID-19 ki pulit ka jylla da ki 24 kynta da boodien ki hajrong ini.
Ynne hadien wa yoh yutip wa em boon ki bru wa khwe ha Wah Myntdu khamtam ha Treriat (Syntuksiar, Lynter, Pohkhyllem ter ter) ki pulit ka Jowai Police Station da hiar ki cha kini ki thaw.
Ki pulit da chem ki wa em boon ki bru wa khwe iwa da tyngkheiñ ya ki kyndon ka Lockdown khamtam ha Lynter wa Pohkhyllem.
Neiliang ki pulit da phah liwan lut ki ya kini ki bru kiwa da yut na kini ki thaw wei da em leh kiwa da ieh chadien ya ki pyrsiej wa ki tiar yong ki.
Neiliang ki bor sorkar kamjooh ka Dorbar Chnong Panaliar neipor cheipor pynkynmoo ki wow chong hapoh yung wei wow dam u yalang boon ngut chithaw wow yajngai iwi na iwi kam chibynta wow pyndam pyndooh yei poor ka khlam u COVID-19.
Discussion about this post