theme-sticky-logo-alt
theme-logo-alt
Advertisement ad1
Advertisement ad1

Beiñ joor ka Dorbar Chnong Mukhla Nongrim ya kiwa pynyap dusmon ya u Joit Signg Suna

Advertisement ad1

Ka Dorbar Chnong Mukhla Nongrim da beiñ joor ko ya ki damok pynyap bru kiwa pynyap dusmon ya u Waheh Joit Singh Suna uwa ksoh ya i kaam Chutia hapoh ka Raij Nangbah.

Yei metyap u Joit Singh Suna da chem ynne i step da ki paidbah hei thaw wa em chwa u poi ka yingkieñ Sahpseiñ kawa dang haap hapoh ka chnong Nangbah, wei u Joit Singh Suna i chnong yong oo toh na Mukhla Nongrim katwa ya ka kam Chutia da ksoh u ha Nangbah.

Advertisement ad1
Advertisement ad1
Advertisement ad1

Ynnin ka sngi u Joit toh uwa dang wan pyndep ya ka lehniam thangbru na ka chnong Nangbah wei da lai liwan u cha Mukhla, neibhah hapoh ka Seiñ Raij Nangbah lane ka chnong Nangbah ya i kaam wow pyndep yei lehniam thangbru hawa yap bru hap wow pyndep ya ka da u Chutia, tangwa ki bru wym tipmit da tynyap dusmon ki ya oo ynnin i janmiet wei da noh ki ya oo ha Sahpseiñ iwa man i thaw wa kut u pood ka chnong Nangbah.

Kamtæ neiliang yong ka Dorbar Chnong Mukhla Nongrim da pynsñiaw ko wa ka chnong ka dap ko da i mynsien wa sñiawsih kthang hawa tip ya kani ka khubor neibhah uni u Joit Singh Suna toh u khon ka chnong uwa man u bru wa bha wa jemnood wei man u leh u bru wa em i kitkhlieh ya ka imlang ka sahlang hapoh ka chnong ka thaw wa ha ka yung ka sem wa ya ki khon ki nat ki yong oo.

Ka Dorbar Chnong Mukhla Nongrim da kyrpaad ko ya ki bor yong ka aiñ lyngba ka chnat pulit wow sñiawbha ki u chimkhia wow takit ya kani ka kaam khnang yow ye u yoh kem ya kini kiwa pynyap dusmon, heijooh i por leh ka Dorbar Chnong Mukhla ka e khublei ko ya ki pulit wa u OC In-Charge yong ka Phamer wa ki yong ka Ummulong wei kamjooh leh ya u SP ka West Jaiñtia Hills wei kamjooh leh ya ki pulit ka chnat Crime Scene Unit na Shillong kiwa da ya poi lang ynne ka sngi ha Sahpseiñ wow wan chim yei metyap wei kamjooh leh wow takit ya ini wa jia.

Kani toh katkam ka i pynlait khubor u Standbyme Sari, General Secretary ka Dorbar Chnong Mukhla Nongrim.

Share this:
Previous

Psiah Semi ka Little Flower, HK Singh, North Liberty, Police Public, Kiang Nangbah waka RJCOG ka Subroto Cup ka WJH

Next

Lehkmen ka kiwa chongdai madan yei dap 6 snem ka seiñ yong ki