Beiñ joor ka HC ya ka HLSC neidaw wym ye ko u sylli wei wow takit bniah ya i thungkaam wa sikai LP School

Shillong: Ka yung bichaar High Court ka jylla ynne ka sngi da paan lut ko ya ki bui (report) takit yong ka Central Bureau of Investigation (CBI) hajrong thungkreh kiwa sikai ha LP skur hapoh ka jylla, ka bui yong ka High Level Scrutiny Committee (HLSC) wa thung da ka sorkar, wa ya ki marks wa yoh kiwa yaleh krehkaam sikai.

Kini ki kot ki sla waroh katni em ki ha kti ka High Court hadien wa ka ym hun ko ya i rukom bichaar bniah wa da leh da ka High Level Scrutiny Committee wa da khlieh da u Commissioner ka tnat kaam pohyung u E.P. Kharbhih.

Ka yung bichaaar hajrong ini da rai ko wow pteiñ ya kani ka bichaar mynstep ka 23 tarik da pynitp u muktiar kiwa sikai wa cha pyndap sia lieh u MF Qureshi.

I chong bichaar ynne ka sngi da man ko waroh chi sngi.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ka High Court da beiñ Joor ko ya ka High Level Scrutiny Committee kawa leh khlem tikna ya ka rukom bichaar bniah ya kiwa yaleh krehkaam sikai neibhah ka bichaar ko du ki marks yong kiwa yaleh kreh wa chah jied wei ym em bichaar ko ya marks kiwa yaleh kreh ki wym em chah jied.

“Nga ym ye oo u ong iyi iyi leh myntu neibhah daw chong bichaar biang ya ka mynstpe ka sngi,” da ong u Qureshi.

Da ong u leh ym em hun ka High Court yei leh ka High Level Scrutiny Committee neibhah ym em man ko kawa yahap neibhah ym em biang bru wa stat namo kiwa chemphang kiwa man ki dkhot ka HLSC wei ki dkhot toh du ki bru sorkar donhi.

Ha ka dorkhat takit ka CBI, na ki 350 ngut ki kiwa yaleh kreh kaam sikai LP kam ki Assistant Teacher, 255 ngut da phah da ki MLA wow thungkaam ya ki.