Ka Jaiñtia Student Student Movement lyngba ka Wyrta wa pynlait da u Working President, CB da beiñ ko ya i thombor ka KAAC ya i thaw yong kiwa chong chnong ka Meghalaya, khamtam ka jaitbru Jaiñtia kamwa da jia ha chnong Khatkasla, Mukroh, Khanduli khlem pyntip pyn arliang ki bor kamwa da che kdaw nei klam ka Deputy Commissioner ka West Karbi Anglong.
Ini pynyoo i yei kwah myntoi wa i buittooh arsap ka KAAC khlem ka dei wymlai katkam ka yurim ki luti kyndon shynchaar khadar.
Ka seiñ da dawa we kyrpaad ko ya ki bor District ka West Jaiñtia Hills District wa ka Jaiñtia Hills Autonomous Council (JHADC) wow chim ya ka rai kawa khor wow khang ya ka Karbi Anglong Autonomous Council (KAAC) wow kyntoor pood ko cha ka District.
Heijooh i por ka seiñ da e yaroh ko ya u ADC ka West Jaiñtia Hills District, u M.A Challam uwa smat wow mih chakhmat ha iwon iwon i por wa chah thombor ki jaitbru Jaiñtia.
Ka seiñ kyrmen ko wow mih chiboon ki bru chemphang neibynta ka jaitbru.
